مسلم بهذا الوضع . حاير ويجري الدمع .الشاعر عبد الستار الحجامي

مسلم بهذا الوضع حاير ويجري الدمع
على القصر من شاف ماكو كل معين انهضم ويصيح ارجع ياحسين
-----------------------------------------------------------------
ارجع بلاهل يحسين لأتاني ترى الكوفة طبعه بالغدر ثاني
مابيه فقط بس طوعه وهاني يحسين بغرب ظليت يحزاني
يابو الايمه لوتشوف مسلم بين الصفوف
ماله بلكوفه ناصر لامعين انهضم ويصح ارجع ياحسين
----------------------------------------------------
يحسين بدمعتي للنجف صديت وصحت يابالحسن من حركتي ناديت
اشرحلك غدره الكوفه من طبيت الإلف النصلي بس فــــــــــرد ظليت
ياعلي ريتك تصد امشي بالكوفه فرد
بغربه ماندل طريقي امشي وين انهضم ويصيح ارجع ياحسين
-----------------------------------------------------------
يبو الايمه سفيرك ضل وحيد هنأه لاواحد يرشد ولاشخص دلااه
بغربه ولاصديق من العده أواه بس طوعه الوفت وتعهدت بحماه
نصرت الدين بشيم طوعه عنوان القيم
فخر طوعه ظلت بكل السنين انهضم ويصيح ارجع ياحسين
----------------------------------------------------------



نادت طوعه يامسلم يماي العين اجتك كوم أميه ياسفير حسيـــن اريدنك يمسلم تكلب صوبين واريدنك تذكرهم بأبو الحسنين
تنادي ياراعي الشيم اليوصل لسيفك ندم
مثل عمك صول صولات بحنين انهضم ويصيح ارجع ياحسين
------------------------------------------------------------
شد حيله وتنخه على العده بكل حيل خـــل من الزلم تترادم وي الخيل
عد عيناج ياطوعه لبجـــــــي الليل وخلــي المايخاف يصيح انه دخيل
ينادي ياطوعه ويصيح ما يكع منهم جريح
مثل ضربت حيدره يعرفوه زين انهضم ويصيح ارجع ياحسين
-----------------------------------------------
سفيرك للقتل بيد الكفر ذبــــــوه ومن فوك القصر للكاع هم شمروه
ذبحوه وبعد ذبحه سحل جــــروه لارحمو غربته ومسلمك واروه
يبو الايمه بلاعدل جر الجث بحبل
وراسه مفضوخ بحجر فوك الجبين انهظم ويصيح ارجع ياحسين

خادم اهل البيت عليهم السلام الخادم عبد الستار الحجامي