لو كلهم يرحون لا لا مايوفون .الشاعر عبد الستار الحجامي

من طرف **Admin** الأحد سبتمبر 18, 2016 12:13 pm

لو كلهم يرحون لا لا مايوفون
بس سالم ترجع يالوالي غالي تستأهل كل غالي

يحسيني لوعندي عشره من الولد يحسيني فدوه لون ســـــالم ترد
يحسيني سهــــم الشعب منك جبد يحسيني بأمك وحس كلبي نمرد
سهم الصاب حشاك صوب كلبي وياك
صوبني وصوب دلالي غالي وتستاهل كل غالي
----------------------------------------------------
يوليدي هاك نضر بكلبي الجمر يوليدي لوجعفر وعون وكمر
يوليدي كــــــلهم الك فدوه ونذر يوليدي سالم ترد فدوه العمر
لوســــالم رديت يبني تضوي البيت
سنيني شع بيك وأمالي غالي وتستأهل كل غالي
----------------------------------------------------
ناديتك يبني يبو الايمه شكثر ناديتك من شفتك أكبال النهر
ناديتك من شفت ضهرك ينكسر ناديتك من طحت من فوك المهر
نـــــــــاديتك بعيون لــــو عباس وعون
فدوه لعينك كل احوالي غالي وتستاهل كل غالي
------------------------------------------------------

لعيونك أم البنين أنطت كمر لعيونك تنطني بعد حتى النظر
لعيونك كل البشر فدو البشر لعيونك يبني شقدمـــلك عذر
لعيونك يحسيـــــــــن مطلوبين بديـــن
شنقدم لعيون الوالي غالي وتستاهل كل غالي
-----------------------------------------------------
بعيونك يبني يعباس السهم بعيونك ضم زينب وكل الحرم
بعيونك احرس وحاميه الخيم بعيونك لاتقصـــر وشيل العلم
بعيونك يالحيد عن زينب لاتهيد
ارخص روحك لا لاتبالي غالي وتستاهل كل غالي
---------------------------------------------------------
لزهره شنهوالعذر باجر بعد لزهره لازم يوافون الوعد
لزهره فدوه يرحون الولد لزهره خايف يلجمون الجبد
خلافــــــك يا عباس صدر حسين انداس
ولجمو صدر الزهرء كبالي غالي وتستاهل كل غالي

خادم أم البنين عليها السلام الخادم عبدا لستار الحجامي