منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

ياكربله اعندي إخبار من طه جدي المختار وترابج يغطيني الشاعر عبد الستار الحجامي

استعرض الموضوع السابق استعرض الموضوع التالي اذهب الى الأسفل

ياكربله اعندي إخبار من طه جدي المختار وترابج يغطيني الشاعر عبد الستار الحجامي

مُساهمة من طرف Admin في الأحد سبتمبر 18, 2016 12:32 pm

ياكربله اعندي إخبار          من طه جدي المختار          وترابج يغطيني
      على المشرعة راح نشوف        جود وعلم وي جفوف   وسهم المصيبه بعيني
                               ------------------------------
   ياكربله عندج خبـــــــــر     فوك التراب اصـبح وذر            ولا واحد يحن على حالي                                
    مرمي بهضم فوك الترب     حرموني من ماي العذب            مرمــي ولا واحد بجالي
   مواصل طبر فوك الطبر    سالم بعد ماظـــــــــل كتر           تطايح اصفاحي  وصالي
    فوك السهم يوجد سهم       نــــــار العطش نار الألم            ونــارالخيم تلهب عيالي
   ياكربله تدوي النار    وخيامي بس بيه صغار          نار الخيم تجويني
وزينب على أطفالي أطوف          جود وعلم وي جفوف   وسهم المصيبه بعيني
                    --------------------------------------------
ياكربله بكلبي الـــــــم           من مايج كليبي نحرم               وعتابي يجرح من اذكره
وشح مايج وكلبج قسه         بس العطــــــش نتفسه              وبكليبي تلهب والله جمر
ارض الحجاز انطت نبع       وانتي فقط ضيم ودمع               موهاجر أمي أمي زهره
لازم تطك جنة عدن           حتى توافي أم الحسن                تجبــــــر كلبه وماتكسره
   ياكربله وزينب هاي       عطشانه وتريد الماي          ومن مايج تمنعيني
 كلب العقيله ملهوف       جود وعلم وي جفوف          وسهم المصيبه بعيني
                     ------------------------------------------------
يكربله فـــــوك النــــهر              توكع كواكب والكمر            ضامي وكع فوك الشريعه
مطفيه عينـــــه بالسهم              وحده جمد فوكأه دم                وجفوفه والله هم كطيعة
جوده على الغبرة نرمه            ونخبط مايه بالدمه                 بعيونه ظاكت هل الوسيعه
عبد الله عينه على الدرب         ومن العطش كلبه ألهب                مايدري بالحالة فجيعة  
       يتعذر يرد وياي       واعدت  وانه الوفاي        يعذرني ماكو يميني
       مطفيه عينه وميشوف     جود وعلم وي جفوف   وسهم المصيبه بعيني
                 ------------------------------------------------
ياكربله هلبت يحــــــن           كلبج على شبل الحسن              فلقت قمر نوره وجماله
من يدخل ألحومه بعزم            ماطك جدم عنده بجدم              موت الله يرجف من  خياله
تتعثر بجدمه الأرض            ماجفنه على الباطل غمض           يوصل شخص يمه استحالة
من يمشي مايترك اثـر           عريس بالحومة أنحر           مدلل ويا محــــــــــل دلاله  
ياكربله  محنه دموم             ومن العرس إي محروم   والنايبه تجويني
  على ألحومه جاسم مزفوف      جود وعلم وي جفوف      وسهم المصيبة بعيني
               --------------------------------------------------------
شان الطفل من ينفــطم              كون بورد موش بسهم        عبـــدالله ذبحوا من وريده
ياكربله أعظم جـــرح                بالنبلة طفلي ينذبـــح          مــــن العطش مدالي أيده
سنتين عمره الينفطــم               ست أشهر وفطموا ظلم         ماعــــدهم مروه وعقيدة
مثل الورق جلد الطفل               مــــايندفن كون برمل         يلف ورد ريت على جيده
ست أشهر وفطموا نوح          حمره ألسمه عليه تنوح         تبجيله وتبجيني
مو جرح واحد ونروف          جود وعلم وي جفوف            وسهم المصيبة بعيني
-----------------------------------------------------------------------------
ياكربله عندي عتـــب          من يدوي بخيامي اللهب               ماعندج مــــــــــروه علينه
ماعندج مروه وبخـــت          مـــــن زينب كبالج بجت            جاصرتي  من دون الحزينة
جاشلتي روحج كالجبل       وللعايله صرتــــــــي أهل              وما راحت سكينه رهينه
كل الأسف ياكربلــــــه        منج تروح العـــــــــــايله              والشمر يحدي بالضعينــــــه
على الهزل زينب  تنكاد        ويسبه حيل ابن زياد           يشتمه ويذيني
وبني علي هم  مجتوف         جود وعلم وي جفوف     وسهم المصيبة بعيني

 خادم أهل البيت عليهم السلام الخادم عبد الستار الحجا مي
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى