منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

ياكمر كلي على اهلي شلونهم

استعرض الموضوع السابق استعرض الموضوع التالي اذهب الى الأسفل

ياكمر كلي على اهلي شلونهم

مُساهمة من طرف Admin في السبت سبتمبر 24, 2016 5:50 pm

 ياكمر كلي على اهلي شلونهم     والله مشتاكه اشوف عيونهم
         ياكمر راح  الامل         من حدى حادي الاهل    
           ذبلن وسال الدمع       ياالهي بهل الوضع
           
ياكمر ليلي ليمرني ماانام للصبح
                             كلبي فوك الطف يرفرف طير مكطوع الجنح
على مشوه ليلي اونه وغرك عيوني السفح
                                      ياكمر حيل تهدم  بعد ما يشفه الجرح

     راح ادزه وي الحمام                 ياكمر احله سلام
                  بعيني مشتول الاجل      من حد حادي الاهل
           ---------------------------------------
من حده حادي الضعينه ونوه ياليلي الرحيل
                                      حيل ماظل بدليل  والكلب اصبح عليل
راحو اهلي من ديه  وبعد ماظل بيه حيل
                                 ياكمر سافر كمرنه  وصار ليلي شكد طويل

        ياكمر حيل نهدم                والدمع صبيت دم
                ودمي بالمدمع همل     من حد حادي الاهل
------------------------------------------------------
ياكمر ودي سلامي  للمشو برض الغرب    
                             راوحو ومن ودعوني ضلت عيوني تصب
لاخبر منهم اجاني  ولارجع منهم محب
                           ناري حسراتي ودمعتي   تلهب بنص الكلب

          من حدى حادي الضعن        ليل ماخلص شجن
          روحي راحت من رحل      من حدى حادي الاهل
لازمه دروب الضعاين  ونشد الراح ويرد
                                   ولاخبر منهم لفاني   ولا رساله ولانشد
والله لو سمع خبرهم   لزرع الصحراء ورد
                                يمت ترجع ياحبيبي    بوي مو طال البعد

               والله لو ترجع الي     تبتشر دار الولي
               ويرجع للبيتي الامل     منن حد حادي الاهل
-------------------------------------------------------------
ياكمر انت تشاهد وعينك تباري الضعن
                              هم شفت اختي رقيه  ادري ماتحمل شجن
ما شفت عبدالله اخيي  ماشفت شبل الحسن
                                ماشفت عمتي العقيله شسوه وياه الزمن

   ياكمر برض الغرب           على مشوه دمعي يصب
       ماشفت عمي الكفل          من حد حادي الاهل
-----------------------------------------------------------
ياكمر من تمشي انت  ماشفت مثلك كمر
                             هو احلى هواي منك  نور بالطف زدهر
ياكمر كلي اردلج   مارجع وانه انتظر
                             هو يوفي بوعده اعرف  لغيبته لازم خبر

             شنهو عذر ومايرد    خاف مكطوع الزند
             ياكمر كله بعجل     من حدى حادي الاهل                      
---------------------------------------------
        خادم اهل البيت عليهم السلام  عبدالستار الحجامي
[/size]
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى