منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

بوجدان الانسانيه

استعرض الموضوع السابق استعرض الموضوع التالي اذهب الى الأسفل

بوجدان الانسانيه

مُساهمة من طرف Admin في السبت سبتمبر 24, 2016 6:02 pm

بوجـــدان الانسانيه       دمك قربان الحريــــه
                  ربك اوحى        في القران
                 هذا المعنى         في القران
                       دمك قربان الحريه
       --------------------------------------------
بوجدان البشر اسمك يظل عنوان      امير وعرشك انت سيدي الوجدان
خالد والدليل  يــــردده القـــران       وبصفحة  خلودك قدمــــت  قربان
 من يوصل قربانك يكدر              من ادم ولحد المحشر
               انت الباقي               في الوجدان
              في اعماقي               في الوجدان
 اسمك عنوان الثوريــــه                 دمك قربــان الحريــــــه
    --------------------------------------------------
كلته واثبتت يحسين  معناها        بصفحات الطفوف حنه لمسنـــاها
من مثللك يبو الايمه تحداها        من نورك شمسنه صارت ضواها
          انت وغيرك راح         يحسين وانت المصباح
                صوتك يعلو         في الاكون
                 دوما يسمو         في الاكوان  
  شاهد على الامه الانسيه            دمك قربان الحريــــــــه
    -------------------------------------------------
دم نحرك قضيه تحـــــير الالباب    وكتاب الفكر ماتوصل الكـــــــتاب
تربية الوحيه ومن يوصلك جذاب    لن انت الرسول وانت داحي الباب
    انت  عنوان الاسلام         لجلك  تتجاره الايام
حبك دربا                          للاديان
دربك حبا                         للاديان
انت عنوان  الثوريه             دمك قربان الحريـــــه
------------------------------------------------                                                                                                  
لااك والرفض تعني معاني هــواي      نعم انت الكلته  وثبت  مــــــولاي
ذبحت الماي انت وماعصاك الماي     ولوردت الفرات زحوف الك عناي
  الكون بسمك تم بنيانه             عنوان الدين وقربانه
             اسمك رمزا             بالايمان
             دربك رمز              بالايمان
  بجنات الباري العلويه             دمك قربان الحريـــه
---------------------------------------------------

نعم للا كلته لاترفض الذلــه     ونعم انت الكلته وشيدت  مله
نعم لااك عجيبه ومبهم العله     ومن دمك تشيد للمجد قبــــله
كبرك كعبه وبيه زوار             وثالث قبله كبرك صار
 ودم المــنحر                        للثورات  
اصبح مصدر                        للثورات
عنوان الثوره  المهديه            دمك قربان الحريــه
------------------------------------------------  

لو مادمك الطاهر نزف يحسين       جا مات الكتاب ومابقاله معين
ذبحوك وقصدهم ينذبح هل الدين     مات الموت وانت الخالد بكــل            
         خالد ونشوفك عنوان           كل مايصدح صوت الاذان  
                     صوت كبر           بالاذان
                       الله اكبر           بالاذان
          نفحات الباري القدسيه      دمك قربان الحريـــه
---------------------------------------------------------
     

الشاعر عبد الستار الحجامي
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى