منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

صبر ايوب مايوصل صبره ايوب

استعرض الموضوع السابق استعرض الموضوع التالي اذهب الى الأسفل

صبر ايوب مايوصل صبره ايوب

مُساهمة من طرف Admin في السبت سبتمبر 24, 2016 7:04 pm

صبر ايوب مايوصل صبره يوب      ولايعكوب  يم زينب يجي يعكوب
                       صبر وحساس   اخت عباس
               --------------------------------------
على يعقوب تدري شسولف القران  لا مو مثل زينب من هدت قربان
تشوف حسين خوه موسد التربان    وكمره على الشريع مكطع الذرعان
  هضم والام عد زينب هظم والام    
                                  على الاكبر تصد عين وعلى جسام
                    وحيده وناس    اخت عباس
             ---------------------------------------
جبل صبر العقيله وللصبر مقياس  ترف خلك العقيله ومرهف الاحساس
سحابت غيم تمطر من تصد عباس  وبقمة شموخ المرتضى على الناس
  خيم وعيال محتركه  بلهيب النار
                                 بصبر عباس متحزمه وعلي الكرار
               بصبر تنقاس     اخت عباس
                 --------------------------------------
الطفوف ادوار كل واحد عليه بدور  خلص دور القتال وعلى الرمال بدور
شمس عين الحقيقه التكشف المستور   بقرع  لسان زينب ينمحي هل الجور
     زحف جيش العقيله بس حرم وايتام
                                 صدى ضربت مسيره هد عروش الشام
                    شديد باس    اخت عباس  
               ------------------------------

حرب شنت قياده مخطط بتفكير    وبجيش السبايه كملت تحرير
تره التغير من زينب بده التغير  كد كيدك يزيد وبالانهايه  تحير
    كد كيدك علينه شما تكيد تكيد
                              نخظر من جديد وهم نطك ونعيد
               نطك كاالياس   اخت عباس
        ------------------------------------
صبر زينب فقار الاحطم الاصنام    وعمر تاريخ زينب ماتلمه اقلام
بصبره على النوايب كل دقيقه بعام  بمقياس الحساب تحطم الارقام
  لصبره الكون مايوصل صبره الكون
                               الف فرعون هدتهم والف هارون
             جثير ارجاس   اخت عباس
      --------------------------------
مشت والكاع كامت بيه تتعثر      بوقع خطوات زينبكام تتفطر
امير وبت امير المرتضى حيدر   تقنعني على زينب واحد تجسر
   لخت عباس من يدنه لخت عباس
                             يدخن غيض ابو الغير وابو الاحساس
               ابو النوماس  اخت عباس
--------------------------------------------------------
خادم اهل البيت عبد الستار الحجامي
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى