كعده وصاك حيدر بالحره

وصاك حيدر بالحـــــره          جاليش تتركه بحســـره
           وصاك ابونه العود   بأختك يراعي الجود
                --------------------
اختك وحــــيده بكربله                  ضلت يحماي الضعن
لاوالي عده وبس حرم                 تدري بخواتك ينسبن
ترفه مثل خيط الشمس                 ياخوي ماحمل شجن
       يخوي بعدك ضلموني    بس كوم ونظر لمتوني
        وتشوف اثر مجود      باختك يراعي الجود
              --------------------------
ياخوي ابونه من رحل          شوصاك خويه بشددته
اختك يحماي الضعن           عباس هيجي وصيــــته
تكفله كالك  يالخـــــو            ونطاك خوي رايتـــــــه
  جاليش تتركني بحالي      لابيت عنــــدي ولاوالي
  والشمر بيه يحود           باختك يراعي الجود
            ------------------------
ممكن اذا عندك عذر           اكدر اعذرك يالـــــولي
ماتسمع انت بنخوتي           وماتفزع  وتحضر الي
ردلي اذا انت الكمـر            رد الشمس حيـدر علي
  حاشاك تتركني بحيره      عباس ياراعي الغيره
    يابو الكرم والزود        باختك                                                


       
ياخــوي ياعز الاهل           زينب وحيده ام الخدر
حاشاك ياراعي العلم           تتركه خوي وي الدهر
مابيه تتحمل بعــــــد           ماعده حيل ولاصبــــر
     ياخوي ناديت بحسره   مكسور كلبي وشيجبره
      يمته ترد وتعود    باختك يراعي الجود
     ----------------------
حط يدك بيدي الابــــو        وكلك  تباريه العمر
ظل انت ماطولك عدل       يابوي  ظل اله وستر
وياهه كــــل مامشت         تحرسه من كلل الخطر
   ممنوع تنساه شكلك  عباس متفارك ظلك
    وظله تعكده عكود  باختك يراعي الجود
      ---------------------------
للطف ياخوي من طلعت        الا كـــــلتلي بشيمــتي
وياي جيت من الوطن        تبره يخــــــوي لناكتي
وي جيــــــت من الوطــــن
وتبره يخوي وي الضــعن
تترك خواتــــــك ينسبــــن
وعلى المشرعه جفوفك هون
تاليه اروح ميسره    والاهل صرعه على الترب
خادم اهل البيت الشاعر عبد الستار الحجامي