منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

السلام على القاسم ابن الحسن

استعرض الموضوع السابق استعرض الموضوع التالي اذهب الى الأسفل

السلام على القاسم ابن الحسن

مُساهمة من طرف Admin في السبت سبتمبر 24, 2016 11:32 pm

وصاني الوالد تدريني ولهذا اليوم متانينــــي
كـــون بدمك يا جسام
تضحي لعمك يا جسام
وصاني الولد تدريني
--------------------------------------------
وصاني ابوي ولازم اوفي الدين وتدرين الوصيه بذمتي تدريـــن
كلي بكربله يبني تصد لحسيـن لوشفت السبط وحده ويريد معين
بهذا الموقف بيه تحيني وترد يبني كل سنيني
وتاخذ ثارك يا جسام
طفـــي نارك يا جسام
تاخذ ثاري وبيه توفيني وصاني الوالد تدريني
------------------------------------------------
هذه وصيتـه ولازم ادـــــــيه وروحي بكربله لازم اضحيه
فده لعمي ييمه روحي اهديه وجفوفج ييمه بدمــي حنيـــــــه
حنيني بجفج حنيـــني محروم انه من احلى سنيني
ونادى بدمعه يا جسام
لبن البضعه يا جسام
للموت بجفج وديــني ولهذ الموقف بيه شوفيني
--------------------------------------------------

انه ابن الحسن للموزمه وفاي اوافي عهود ابوي وماخلفه الراي
وصاني وصيته وهي بعيناي هذا درع ابوي وسيفه بيمنـــــــاي
وهذا الموقف بيه عذريني ماخلف عهده موصيني
وكلي يبني يا جسام
ولاتخيبني يا جسام
وماخلف عهد موصيني ولهذا اليوم متانينــي
---------------------------------------------------------
اشد فوك الجروح وعتني الميدان وراويهم شجاعة داحي البيبان
وخلي بكل تفاخر تشهد الشجعان وكلبه كلاب بكربله الـــــعدوان
وسحكه بسيفي البيميني وعلى الغيره اهلي معلميني
خط بوصيته يا جسام
لو لاكيتــــه يا جسام
من دم شريانك فك ديني ولهذا اليوم متانينـــي
------------------------------------------------------
فرض مثل الصلاه وحل وكته اليوم اصول عله العادي وماهاب الكوم
مو طلبه الشجاعه والاصل معلوم جدي بالحرايب ماترهبه خصوم
حل فرض الخامس شوفيني ولموت بجفج وديني
لوطك صبرك يا جسام
انصر عمك يا جسام
وبجدمه عفرت جبيني لهذا اليوم متانيــني


هاي اخر وصيه يمه سمعينـي يمه لوشربتي الماي ذكرينـــي
لوشفتي الشباب بلهفه واسيني انه المنحرم من اجمل اسنيني
انه وليدج لاتنســـيني وبدمعة عينج واسيني
وكل سنيني يا جسام
ظلم بعينــي يا جسام
وخل عينج من دم تبجيني ولهذا اليوم متانينــــي


خادم اهل البيت الشاعر عبدالستار الحجامي



avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى