منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

السلام عليك ياسيدي علي الاكبر

استعرض الموضوع السابق استعرض الموضوع التالي اذهب الى الأسفل

السلام عليك ياسيدي علي الاكبر

مُساهمة من طرف Admin في السبت سبتمبر 24, 2016 11:53 pm

ياالهي بشدتي ياالهي ردلي الكبر ضنوتي ياالهي
من دعيتك ورتجيتك تكحل عيوني بضواه ياالهي
--------------------------------------
من دعيتك ياالهـــــي والدمع غطه الجفـــون
رتك تردلي حبيبــــي بيه اكحل هل العيــــون
تردلي الاكبر ياالهي وكلشي بوجوده يهــــون
بجاه ابو الايمه يربي وغربته وهاي الضعون
ردلي أبني منتصر ردلي ابني
مابقه بحيلي صبر ردلي ابني
يمته يرجع حتى نسمع بالنصر رفرف لواه
---------------------------------------
ردلي الكبر ياالهـــــــي وكلشي ماريدن سواه
هوه روح حسين هـــوه هو عينه وهم ظواه
هوه هذا الهوى اليسري بكل نسيمه وكل هواه
عكب الاكبر ياألهي حســـين تــبدد قـــواه
هوه روحه ومهجته هوه روحه
ياالهي بغربته هوه روحه
دمع يجري كلبه يسري بالحرب عينهه وراه
------------------------------------------------
ياالهي بجاهه طــــــــه وغربت حسين وضماه
تردلي ابني بس اشبكـه ويشتم كليبي هـــــــــواه
حته ودي كليبي يارب يبره خطــــــــواتي وراه
ادري كلب حسين درعه وكلبي حطيتــــــه بكفاه
روحي يمه كوطرت روحي يمه
روحي وي كلبه سرت روحي يمه
يبني يمته ترجع انته وكلبي يرجعله هواه
---------------------------------------
بصبر ايوب اندعيلك ياالهي بكل دعاء
بسمك الاعظم انادي ربي يارب السماء
انت من رديت يوسف بعد سجنن وبلاء
يامجيب الدعوه انت انت تمحو ماتشاء
يامجيبا استجـــــــب يامجيبنا
دعوتي وهذا الطلب يامجيبنا
هذا حالي والجرالي نشدن عيوني بكفاه
=====================



من طلع لحومه جــــنـــه حيدره وكت الحروب
وجه ابو الايـــــمه يتلاله ابد مابيه كل شحوب
عيني للحــسين انه تنظر وكلبي بنفاسه يذوب
ساعه لن وجه ابو الايمه غيم وصاير غروب
اندعيله يرد علي اندعيله
ابنج بشده ياليله اندعيله
روحي عنده شفته وحده حاير وكثرت عداه
------------------------------------------
ساعه والاكبر ينـــــادي الجائزه مــــــنك اريد
بوي فت العطش كلبي وجهد امتوني الحديد
امك باخر نفســــــــهه لحك عليه يــــحيد
جدك بكاسه يتــــــاني ترتوي منه وتزيــــد
ساعه وحده ونلتقي ساعه وحده
بالنبي وال النبــي ساعه وحده
هذا يومك بيه علومك خطه بعنان السماه

خادم اهل البيت الشاعر عبدالستار الحجامي

avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى