السيده رقيه عليه السلام

(في الروايه ان زينب عليها السلام عندما رجعت لتدفن رأس الحسين الشريف وعندما حفرت قبر الحسين (ع) سمعت صوت من النحر يقول زينب اين رقيه لاسمع لها صوتا مع العيال)
طلع من النحر صوت الرزيه        يزينب وحدج ماكو رقيــــــه
               رقيه وين   خذاه البين      حاجيني
        ------------------------------------------------------
صرخ من النحر صوت الشجيه      يزينب بالغرب عفتـــي رقيــــــه
صدك من السبي شافت اذيـــــه     وصدك برض الغرب ضلت سبيه
      طلع من النحر صوت المصيبه  
                                 سبيه وبالغرب ماتت غريبــــه
          على بنيتي      تره ونتي  ودمع عيني
----------------------------------------------------
رقيه بالغرب ماتت يبو الايمــــه      فزت من حلم تصرخ علي عمـــه
بوي عندي جان وشاهدت رسمه   وشف كثر الجراح الصارت بجسمه
  بجيهه فززت جرح الايتامه    
                          علامه من الحزن صارت علامه
      عليه التم          جرح والهم             يناديني  
 ----------------------------------------------------                          
يخويه تكله رديت بدمع عيني      شسولفلك يبعد ختك على ونيني
من صاحت بألم بتك توعيني      يعمه تكلي ريدنه منج حسينــــي
يخوي فزت وتصرخ يبويه  
                            يتمه ومن صغر سني سبيه
دمع عيني          على حسيني         يواسيني    

اجيتك بالهظم انهض تلكه اختك     يبو الغيره عفتني لا على بختك
مشيت ميسره وفوك الثره عفتك    العذرلله يخويه من عفت بتـــك
    العذر لله يخوي انه شبديه    
                            عفت برض الغرب بتك رقيه
        ايبو الغيره    انه بحيره    عل بنيني
    --------------------------------------------------              
بده نحر السبط بالهم  يحاجيه     يزينب بالكبر وسمع بواجيــــــه
نعم يختي اجيت انه بحلم ليــه     ولي شرحت هضمه وكل ماسيه
       يزينب شاهدت عظم الرزيه
                              وشفته من السبي شصارت رقيه
         اثر موجود    شفته ردود     تناجيني

على راسك يبو الايمه هوت تنعه    فقط صوت الونين احنه تره نسمعه وساعه  ولن علي ابنك جره دمعه   ماتت فوك راسك بضعة البضعــــه
   شفته على النحر تبجي الاسيره    
                               وعليه شبكته تره الشبكه الاخيره
         علي بدمعه       صرخ ينعه      يعزيني

خادم السيده رقيه عليها السلام الشاعر عبدالستار العقابي