منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

جاسم بصورة جمالك عذبــــتني.. الشاعر عبدالستار الحجامي

استعرض الموضوع السابق استعرض الموضوع التالي اذهب الى الأسفل

جاسم بصورة جمالك عذبــــتني.. الشاعر عبدالستار الحجامي

مُساهمة من طرف Admin في الأحد سبتمبر 18, 2016 12:00 pm

جاسم بصورة جمالك عذبــــتني
وسرح بعالم خيالك من عفتني
بكثر الجروح أمك اتنوح عذبتنـــي
----------------------------------------
جاسم بهيده على امك يمه تاني تكبر وتحسب بطولك باالثواني
يالوحيد انت بعمرهه وماكو ثاني يمه تدري انه بغيابك ابقه أعاني
لورحت يوليدي تدري هذا حالي
تهجم عليه المصايب والليالي
روحي تروح أمك اتنوح
-------------------------------------------------------
جاسم كليبي بغيابك مثل شمــــــــعه تحترك لو ماتجيه دمعه دمعه
بس صدى صوتي يردلي وانه سمعه جن يكلي ماتردلي خل نودعه
يابعد امك يجاسم ياضنوتي
مانمت لحضه بغيابك ياضنوتي
انت بالروح امك تنوح
------------------------------------------------------
بس نفس عندي ودفنت لريتك انته الضوه المابيه جمالك ما نظرته
يبني لو ما بالهوى انت ماشهكته يبني هذا الصبح منك شك نسمته
يبني صبح الله بجماك طر صباحه
ومن اجه يغازل دلالك طرصباحه
تاخذ الروح امك تنوح


يافخر امك يجاسم ياحزنه لورحت منهو اليباري امك ضعنه
جاسم خلافك ييمه اسود متنه من يجيه وعلى الثرى مطروح ابنه
ازرك من السوط متني يمه يمه
بين عدوانك عفتني يمه يمه
وانت مطروح ومك تنوح
------------------------------------------------
يبني يمي وفكري يمك يالشدهته يبنـــــــــي لاتبعد احلفك بالعبدته
لورحت امك يجاسم ميته ميته ربـي لو يرجع اسوي بجفي حنته
ربي لاتحرمني منه الفركه صعبه
الغصن والشجره جنه الفركه صعبه
غصن مذبوح امك تنوح

يمه شفت الطف ينادي امك امك خل تضمك ياذخره وخل تشمك
كبل لابالكاع تنضم خل تضمك خل تنادي بصوت عالي تصيح بسمك
كبل لاترحل يغالي خل ودعك
انتظر وكف كبالي خل ودعك روحي تروح امك تنوح
خادم اهل البيت عليهم السلام عبدالستار الحجامي
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى