منتدى الشاعر عبد الستار العقابي
اهلا وسهلا بكم .يسعدنا انظمامكم وزيارتكم لنا

السلام على القاسم ابن الحسن

استعرض الموضوع السابق استعرض الموضوع التالي اذهب الى الأسفل

السلام على القاسم ابن الحسن

مُساهمة من طرف Admin في السبت سبتمبر 24, 2016 7:36 pm

من عفتني       يبني على بختك زادت   احزاني
       من عفتني      واكف حبيبي لجيـــــتك   امتـــاني
                   يجاسم     انت حياتي
 -----------------------------------------------------
ياحبيبي ويانظر عيني ومهجتي      فتشت عيوني بوجودك ياســتلوتي
عيني تبره ويه طولك يالهفتـــي      بصدري يمه تكسرت عكبك عبرتي
              يادمعتي    هلي على بنبي المنظر  حالي
             ياحسرتي      خابت ييمه خلافك    امالي
             يجاسم كل ذكرياتي   يجاسم انت حياتي
---------------------------------------------------------
جاسم الحنه دفـــته ويـــــنك انته        يبني اعلك كلي لو خليه سكــــته
يبني هم ترجع وشوفك كلي يمته       حتى ماعمي نظره وشوفي صنته
           اه يعيني     اتركي نظر واحد     اشوفنه
           اه ايجفني    خلي  بني يمك بيه    اضمنه
            يجاسم  انت امنياتي    يجاسم انت حياتي
    -----------------------------------------------------------
ياحبيبي عيني مشبوحه على رسمك     يمته ترجع حتى بظلوعي اضمك
وحظن جفوفك ييمه  وحيل اشمـــك     حتى اعجن حنتك يبني وي دمك
              ماتجيني      يبني واحني شيبتي    بدمك
              من انيني     يبني اليالي زودن     همك
             يجاسم حانت وفاتي     يجاسم انت حياتي

يبني جنك على المنايه ماتبــــالي      صغير انت والحرب مركبه عالي
خاف تاخذ مني احلامي اليـــالي       صوره الك ياجاسم بلوحت خيالي
               لايغالي    يبني وحبيبي ويانظر    عيني
              في خيالي   تكبر ييمه وتســــعد     سنيني
               يجاسم لاخر وفاتي   يجاسم انت حياتي
----------------------------------------------------------
يبني روحي على الموادع ماتجرني   خاف يبني تروح يبني وماتمرني
يبني من تروح ابدن ماتسرني      شلي بيه الماتشوفك عيني عيني يبني
             شلي بـيـه     عنيي اذا ماشافــتك    يبني
            روحي بيه     كاعد خيال يناشدك    عني
               يجاسم روحي ونجاتي     يجاسم انت حياتي              
   ---------------------------------
يبني من بعدك سبيه ويسروني    يبني والله خلاف عينك مارعوني
على الهزل بعدك ييمه جتفوني   ماكمت يبني على بختك من خذوني
        ماتجيني  يبني تشاهد نوحــــي    والامي  
       من حنيني حركو دليلي بحركت    خيامي
          يجاسم سلبو عباتي    يجاسم انت حياتي


خادم اهل البيت الشاعر عبدالستار الحجامي
avatar
Admin
Admin

المساهمات : 38
تاريخ التسجيل : 23/07/2016

معاينة صفحة البيانات الشخصي للعضو http://aaliiahmad01.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى